کمشنر سیوی ڈویژن عرفان اللہ خان تینا عہدہ نا چارج ءِ ہلک

سیوی، کمشنر سیوی ڈویژن عرفان اللہ خان تینا عہدہ نا چارج ءِ ہلنگ آن پد کمشنر آفس سیوی نا دورہ ءِ کرے‘ دا موقع غا او دفتر نا جتا جتا بشخ‘ ریکارڈ و دفتری باندات نا جاچ ءِ ہلک و تعلقدار کارندہ غاتیان اوفتا زمواری و برجا باندات آتا بابت معلومداری دوئی کرے‘ کمشنر عرفان اللہ خان دفتری باندات اٹ نظم و ضبط، ریکارڈ نا وخت آ پوروی و السی باندات آتے اولیتی بنداو تیا ایسر کننگ نا پارت کرے‘ او پارے کہ سرکاری باندات نا پوروی ٹی شفافیت، میرٹ و السی آسراتی ءِ خاص اہمیت تننگک۔