اسلام اٹی وڈی خوری نا ہچ گنجائشت اف، ڈائریکٹر نیب محمد سلیم احمد
Get real time updates directly on you device, subscribe now.
کوئٹہ، قومی احتساب بیورو بلوچستان نا الحمد اسلامک یونیورسٹی کوئٹہ ٹی ”نیب انا کاریم نا وڑ و ڈول و وڈی خوری نا چٹفنگ اٹی طالب علم آتا کڑد‘ انا سرحال آ سیمینار اڈ ہلک‘ وڈی خوری نا برخلاف برجا آگاہی مہم نا رد اٹ نیب بلوچستان الحمد اسلامک یونیورسٹی، سٹی کیمپس اٹی ”نیب انا کاریم نا وڑ و ڈول و وڈی خوری نا چٹفنگ اٹی طالب علم آتا کڑد” انا سرحال آ اسہ سیمینار و آگاہی واک اس اڈتننگا‘ الحمد اسلامک یونیورسٹی نا رجسٹرار عبدالرحیم ڈائریکٹر نیب (بلوچستان) محمد سلیم احمد، ڈپٹی ڈائریکٹر سلمان اکبر و نیب انا ٹیم ءِ بخیر کرے‘ دا دود انا بنداوی مسخت ورناتے وڈی خوری نا خراب زہم تیان معلومدار کننگ و کرپشن آن پاک راج انا جوڑ کننگ کن اسیجائی کوشست آتے شون تننگ ئس‘ دود اٹ استاد و طالب علم آک بشخ ہلکر‘ ڈپٹی ڈائریکٹر نیب بلوچستان سلمان اکبر شریدار آتے تینا معلومداری لیکچر اٹ نیب انا کاریم نا وڑوڈول‘ وژن، مشن و کارکڑد نا بابت سرجم وڑ اٹ معلومدار کرے۔