وزیرِ داخلہ نا کماشی ٹی 12 ربیع الاول کن سیکورٹی بست و بند آتا جاچ دیوان
Get real time updates directly on you device, subscribe now.
کوئٹہ، بلوچستان نا وزیرِ داخلہ میر ضیا اللہ لانگو نا کماشی ٹی دوشنبے نادے آ دیوان اٹی عئید میلادالنبی نا وخت آ مچ آ صوبہ ٹی سلاہ ئی سیکورٹی بست و بند آتا جاچ ءِ ہلنگا۔ ڈی آئی جی کوئٹہ عمران شوکت تون اوار محکمہ داخلہ نا کمامدارآک دیوان اٹ بشخ ہلکر۔ صوبہ نا ایلو ضلع غاتا کل ڈی آئی جی و کمشنر آک ویڈیو لنک انا کمک اٹ دیوان اٹ بشخ ہلکر۔ دا وخت آ جلوس آتا کسر، مجلس و اہم ہند آتیا سیکورٹی بست و بند کن جوڑ کروک پلان نا بابت حوال تننگا۔ وزیر داخلہ میر ضیا اللہ لانگو پارے کہ امن و ایمنی ءِ برجا تخنگ و الس نا جان و مال انا رکھ حکومت نا اولی زمواری ءِ۔ 12 ربیع الاول نا وخت آ سیکورٹی بست و بند آتیٹی بے پرواہی ءِ سگنگ مفک۔ او ضلعی انتظامیہ و پولیس نا کمامدار آتے پارت کرے کہ تین پہ تینی رابطہ و گچین کوآرڈی نیشن تون سیکورٹی پلان آ پورو و گچین عملدرآمد ءِ پک کننگے۔