وزیراعظم تون سندھ انا وزیراعلیٰ نا اوڑدہی، برجاشونداری ڈٹ آتیا گپ وتران
Get real time updates directly on you device, subscribe now.
اسلام آباد، وزیراعظم محمد شہباز شریف تون سندھ انا وزیراعلیٰ سید مراد علی شاہ دوشنبے نادے اوڑدہی کرے و صوبہ سندھ انا باندات و برجاشونداری ڈٹ آتیا گپ وتران کرے۔ وزیراعظم آفس نا میڈیا ونگ آن جاری بیان نا رداٹ اوڑدہی ٹی وزیراعظم نا سلاہکار رانا ثناء اللہ، بنجائی وزیر محمد اورنگزیب، اعظم نذیر تارڑ، احد خان چیمہ، شزہ فاطمہ خواجہ و علی پرویز ملک اسک ہم ساڑی ئسر۔ اوڑدہی ٹی صوبہ سندھ انا باندات و برجاشونداری ڈٹ، تین پہ تینی است خواہی نا باندات آتیا ہم گپ وتران مس۔ اوڑدہی ٹی سیاسی رواداری و سلابت ءِ برجا تخنگ آ امنا کننگا۔