ضلع پشین اٹ مزورکار آتیا جلہو ارمان اسے، شاہد رند

کمکار وزیراعلیٰ بلوچستان حوالکاری و سیاسی باندات شاہد رند پشین نا علاقہ سرانان بازار اٹی کسر نا تفوئی کاریم کروک خواری کش آتیا مروک دہشت گرد جلہو نا سخت انگا لوز آتے ٹی مذمت ءِ کرسا نہادی السی جان تا زیان آ ڈکھ و ارمان نا درشانی ءِ کرینے۔ شاہد رند پارے کہ کودک و خواری کش مزورکار آتے شست کننگ دہشت گرد آتا لغوری و سفاکیت نا شاہدی ءِ۔ دا جلہو نا اخس کہ مذمت ءِ کننگے کم ءِ۔ او پارے کہ دہشت گرد آک بلوچستان نا امن، شون و الس نا عزم ءِ نزور کننگ کپسہ۔ خواری کش مزورکار آک تینا روزگار و صوبہ نا تعمیر و شونداری کن کاریم کننگ ئسر ہرافتے شست کننگ انسانیت نا برخلاف اسہ بھلو ڈوہ اسے۔ شاہد رند شہید آتا پدخاہوت آتتون است ہسونی نا درشانی کرسا شہید آتا درجہ غاتا بڑزی کن دعا کرے۔