نیامی دے ٹِک نا کل ملک آک وتواجہی تے شرف ایتر، چینی صدر

بیجنگ، چین نا صدر شی جن پنگ نیامی دے ٹک نا تنکی نا سفارتی ایسری آ زور شاغسا پارے کہ ڈیہہ انا کل ملک آتا وتواجہی نا شرف و عزت کننگ المی ءِ۔ چینی میڈیا نا رِداٹ بیجنگ اٹی اردن نا شاہ عبداللہ تون اوڑدہی نا وخت آ ہیت وگپ کرسا چینی صدر پارے کہ چین مدام پورو جنگ بندی و سیاسی و سفارتی کوشست آتا کمک اٹ جھیڑہ غاتے ایسر کننگ نا مخ تفی ءِ کرینے۔ چین تکک کہ ڈیہہ انا کل ملک آتا وتواجہی و سلامتی نا شرف کننگ المی ءِ۔ چینی صدر مسئلہ فلسطین ءِ نیامی دے ٹک نا بنداوی ویل گوندسا آجو فلسطینی ریاست نا دمدستی جوڑ کننگ آ زور شاغا وپارے کہ چین فلسطین نا ویل انا ایسری کن اِرا ریاستی فارمولا نا رد اٹ اسرائیل و فلسطین نا نیام اٹی امن مذاکرات نا دوارہ بنا کننگ نا مخ تفی ءِ کیک۔