24 گھنٹہ ٹی کورونا وائرس 496 پوسکن ءُ کیس، 9 مرک رپورٹ

اسلام آباد (اے پی پی) نیشنل کمانڈ اینڈ آپریشن سینٹر(این سی اوسی) کورونا وائرس نا بابت تازہ انگا رپورٹ ءِ جاری کرینے۔ دوشنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی کوروناوائرس نا 496ناجوڑ آتا ٹیسٹ مثبت بس وخت اس کہ تدوک آ 24 گھنٹہ ٹی 9 بندغ زوال کریر۔ مچ آ مرک آک ہسپتال آتیٹی مسر۔ تدوک آ 24 گھنٹہ ٹی کوویڈ۔ 19 نا 23 ہزار 655 ٹیسٹ کننگا ہرافتیان سندھ اٹی 9 ہزار 27، پنجاب اٹی 8 ہزار 549، خیبر پختونخوا ٹی 2 ہزار 508، اسلام آباد اٹی 2 ہزار 843، بلوچستان اٹی 229، گلگت بلتستان اٹی 302، آزاد کشمیر اٹی 197بندغ نا ٹیسٹ اوار ءُ، داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 2 لکھ 76 ہزار 829مسنے۔ آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم وینٹی لیٹر آ اف وخت اس کہ مچ آ ملک اٹی کوویڈ۔ 19 نا ناجوڑ آتیکن جتا 1920 وینٹی لیٹرآتیا 115 ناجوڑ ءُ۔ داوخت آ مچ آ ملک اٹی کورونا نا ایکٹیو کیس آتا کچ 10188ءِ۔ داتم اسکان مچ آ ملک اٹی کوویڈ۔ 19 نا ناجوڑ آتا کچ 2 لکھ 93 ہزار 261ءِ ہرافتیان آزاد کشمیر اٹی 2 ہزار 254، بلوچستان اٹی 12 ہزار 527، گلگت بلتستان اٹی 2 ہزار 682، اسلام آباد اٹی 15 ہزار 515، خیبر پختونخوا ٹی 35 ہزار 766، پنجاب اٹی 96 ہزار 233 و سندھ اٹی 1 لکھ 28 ہزار 284 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6ہزار 244ءِ ہرافتیان سندھ اٹی 2 ہزار 367وخت اس کہ تدوک آ 24 گھنٹہ ٹی 9 بندغ ہسپتال آتیٹی زوال کریر۔ پنجاب اٹی 2 ہزار 188، خیبر پختونخوا ٹی 1 ہزار 248، اسلام آباد اٹی کل 175، بلوچستان اٹی 141، گلگت بلتستان اٹی 64 مرک مس۔ آزاد کشمیر اٹی کوویڈ۔ 19 آن 61 مرک مسنے۔ داتم اسکانمچ آ ملک اٹی کوویڈ۔ 19 نا 24 لکھ 63 ہزار 513 ٹیسٹ کننگا۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 1663 ناجوڑ درمان مننگ ءُ۔