سی پیک ڈٹ ڈَول آک کورونا وائرس آن زہمی متوس چینی کمامدار
Get real time updates directly on you device, subscribe now.
اسلام آباد( آن لائن ) سی پیک ڈٹ کورونا وائرس آن زہمی متو، حوال نا رداٹ دا ہیت ءِ سرکاری کمامدار و تھنک ٹینک نا نمائندہ غاک سی پیک نا بابت اٹ اڈ ہلوک ءُ اسہ ویبنار(آن لائن سیمینار) اسے ٹی کرینو۔ دا آن لائن سیمینار اٹی ہڑتوم آ ملک آتا کمامدار آک بشخ ہلکر ہراٹی ہیت کرسا چائنا اوورسیز پورٹس ہولڈنگ کمپنی نا کماش زینگ باوزوہنگ نا کنڈآن پاننگانے کہ کورونا وائرس کاختی نا وخت آ نہ تو اسہ پاکستانی ملازم اسے کشنگا و نہ اوفتا تنخواہ تیٹی کمتی کننگا، کل ڈٹ ڈول آک کورونا وائرس آن پاک ءُ، مستی پارینے کہ سی پیک ڈٹ آتیٹی 60 ہزار آن زیات پاکستانی تے ڈیوٹی تننگانے و 13 ہزار چینی ٹیکنیشن، انجینئر و ماہر ہم ہندا ڈٹ آتیا کاریم کننگ اٹی ءُ، او کل بندغ آک کورونا آن پاک مرسا اسہ رکھوک ءُ چاگڑد اسے ٹی کاریم کننگ اٹی ءُ۔ یات سلے کہ ہر گدرینگوک آ دے اٹی سی پیک ڈٹ آ کاریم ترندی ٹی ودسا ءِ، اوکان پد داسہ ایران سی پیک و بیلٹ اینڈ روڈ ڈٹ انا مخ تفی ءِ کرینے، گوادر بندرگاہ ءِ پرغنگ نا ڈٹ ءِ فلاپ کننگ آن پد ایران سی پیک نا ہم پارٹنر اس جوڑ مسنے۔ ایران سٹی ءُ بہانہ کروک آ بھارت ءِ پراجیکٹ آن کشسا تینا وڑ اٹ ریل لائن نا جوڑ کننگ نا فیصلہ کرے۔