بنجائی و صوبائی بجٹ اٹ محکمہ جانجوڑی کن جتا کروک بجٹ نا اولسر جاچ ءِ ہلنگے‘ ینگ ڈاکٹرز
Get real time updates directly on you device, subscribe now.
کوئٹہ (آن لائن) ینگ ڈاکٹرز ایسوسی ایشن بنجائی و صوبائی بجٹ ءِ مسترد کرسا خواست کرینے کہ ہڑتوم آ بجٹ آتے ٹی محکمہ جانجوڑی کن جتا کروک بجٹ نا اولسر جاچ ءِ ہلنگے‘ نن اومیت کریسن کہ دا سال حکومت جانجوڑی نا بشخ انا گچینی کن جوان ءُ پیسہ اس جتا کیک ولے بنجا نا کنڈآن سالانہ فی کس 90روپئی درمان تخنگانے‘ صوبائی حکومت ناکنڈآن ایئر ایمبولینس کن 2ارب جتا کننگا ولے صوبہ ناالس ءِ بنداوی آسراتی فراوان کننگ آ ہچ چکار کننگ تنے‘ تدوک آ دے مچ آ دنیا ٹی ینگ ڈاکٹرز نا جہانی دے اڈتننگاکہ ولے ایلو کنڈآ سندھ وپنجاب نا ڈاکٹر آک تینا خواست آتا پوروی کن برانز کریرہ‘ نن اوفتا خواست آتا مخ تفی ءِ کینہ۔ دا خیال آتا درشانی ءِ ینگ ڈاکٹرزایسوسی ایشن نا صوبائی صدر ڈاکٹر یاسر اچکزئی ترجمان ڈاکٹررحیم بابر و ایگزیکٹو باسک ڈاکٹرسرفراز ساسولی وایلوفتتون اوار پریس کانفرنس آن تران کراس کرے۔