آن لائن کلاس تا فیصلہ بلوچستان نا طالب علم آتیا ملنڈ اسے ، ولی کاکڑ

کوئٹہ (آن لائن) بلوچستان نیشنل پارٹی نا بنجائی سینئرنائب صدر ملک عبدالولی کاکڑ پارینے کہ الس آ بیٹ کروک حکومت نا نابودی نا سوب آن الس ءِ مشکل آک مون تروک ءُ وخت اس کہ ایلو کنڈآ آن لائن کلاس تا پن آ الس آ ملنڈ کننگ انگ ءِ ہراکہ بیرہ و بیرہ طالب علم آتا نہادی وخت انا زیان ءِ‘ صوبہ ٹی ڈاکٹر، پیرامیڈیکس، پوریاگر‘ کلرک کل برانز کننگ اٹی ءُ ولے حکومت پاہک کہ کل گڑاک جوان ءُ۔ دا خیال آتا درشانی ءِ او بلوچ اسٹوڈنٹس آرگنائزیشن ناکنڈآن اڈ تروک کیمپ اٹ طالب علم آتون ہیت وگپ کرسا کرے۔ او پارے کہ صوبہ ٹی اسہ آسراتی اس ہم اف‘ طالب علم آتتون نیٹ اف‘ وخت اس کہ غریبی ناسوب آن بھاز آ طالب علم آتون کمپیوٹر و پوسکن آ ٹیکنالوجی نا موبائل اف تو اوامر آن لائن کلاس ہلنگ کیرہ۔ حکومت ناکنڈآن آن لائن کلاس تا فیصلہ بلوچستان نا طالب علم آتیا ملنڈ اسے ہرادے نن مسترد کینہ۔