بلوچستان اٹ زمواری سر تروک لیویز کارندہ غاتا ٹیسٹ کرفنگ نا پارت

کوئٹہ (اے پی پی) صوبائی وزیر داخلہ ، پی ڈی ایم اے میر ضیاءاللہ لانگو ڈی و جی لیویز نا دفتر نا دورہ ءِ کننگ نا وخت آ لیویز کارندہ ہرافک کوئٹہ تفتان و قلعہ سیف اللہ ٹی تینا زمواری ءِ سر تسنو۔ اوفتے دمدستی وڑاٹ قرنطینہ ٹی تخنگ و اوفتا ٹیسٹ ءِ کرفنگ نا پارت کرے۔ داوخت آ اوڑتون اوار وزیراعلیٰ بلوچستان نا کوآرڈینیٹر میر عبدالروف رند ڈی جی لیویز مجیب الرحمان قمبرانی و ایلو آفیسر آک ساڑی ئسر، داوخت آ ڈی جی لیویز صوبائی وزیر ءِ معلومدار کرے کہ ساڑی حالیت آتے ٹی غٹ زائر آتے ایلو صوبہ غاتیا سرکننگ کن لیویز فورس اہم ءُ کڑد اس ادا کرے دا چرجوئی ٹی سخت سیکورٹی نا بست وبند کننگاسس ہنداخاطرآن رکھی گام گیج نا بناآ دا غٹ لیویز کارندہ غاتا کرونا ٹیسٹ ءِ کرفنگک تانکہ صوبہ ٹی ایلو بندغ و کارندہ غاتے دا خطرناک وائرس آن بچفنگ مرے۔ داوخت آ وزیراعلیٰ بلوچستان نا کوآرڈینیٹر میر عبدالرو ¿ف رند پارے کہ تربت/مند تفتان و چاغی ٹی کورونا وائرس نا توننگ کن داخلقت نا برخلاف کارروائی کننگے ہرا کہ انسانی جان جوڑی ءِ خطرہ ٹی شاغسا خلقت ءِ غیر کانودی کسر تے اٹ ملک اٹ داخل کننگ ءُ داوڑنا زموارآتا برخلاف سخت گام گیج کننگے۔ وزیر داخلہ پارے کہ ساڑی حالیت آتے ٹی لیویز نا کارکڑدگی بے مٹ ءِ ہرا زائر آتا ایلو صوبہ غاتے ٹی گدریفنگ و خلقت ءِ سیکورٹی فراوان کننگ ءُ و رکھی گام گیج و قرنطینہ سینٹر اٹی خلقت ءِ سیکورٹی فراوان کننگ ءُ ، ہنداخاطرآن داوڑنا تدابیر آتے مون آتخسا اوفتا جان جوڑی نا خیال ءِ تخنگ المی ءِ دا چرجوئی ٹی گام گیج کننگک تانکہ ڈیوالائی و لاپروائی آن الس کن نسخاندہ مف۔ اوکان پد صوبائی وزیر داخلہ چیف سیکرٹری بلوچستان کیپٹن ریٹائرڈ فضیل اصغر تون ہم اوڑدہی کرے و صوبہ ٹی کرونا وائرس نا توننگ و چست کروک آ گام گیج آتیاگپ وتران کرے۔ داوخت آ ایڈیشنل چیف سیکرٹری حافظ عبدالباسط ہم اوڑتون اوار ئس۔ چیف سیکرٹری بلوچستان صوبائی وزیر داخلہ نا عمراہ کنٹرول روم نا معائنہ ءِ کرے و او صوبہ ٹی کرونا نا ساڑی آ حالیت آتا بارواٹی معلومداری ہلک داکان بیدس صوبائی وزیر داخلہ میر ضیاءاللہ سیکرٹری جان جوڑی مدثر وحید ملک نا دفتر نا دورہ ءِ کرے ہرادے محکمہ جان جوڑی نا بابت کرونا نا توننگ نا چرجوئی ٹی چست کروک و گام گیج آتیان آگاہی ہم فراوان کرے، اوکان پد صوبائی وزیر داخلہ کوئٹہ شار انا چندی علاقہ غاتا دورہ ءِ کرے اودا وخت آ سیکورٹی فورس انا ورناتے حکومتی پارت آتارداٹ فرض انا ادائیگی ءِ پک کننگ نا پارت ہم کرے۔