عدالت اٹی پی ٹی آئی راہشون تا ضمانت خارج،دوبہ دار آک نرار
Get real time updates directly on you device, subscribe now.
لاہور: لاہور نا انسداد دہشت گردی نا خصوصی عدالت پولیس آ جلہو و دہشت گردی نا دفعہ غاتا رداٹ نوشتہ مقدمہ ٹی پی ٹی آئی راہشون شبیر گجر تون اوار چار دوبہ دارآتا عبوری ضمانت ءِ خارج کرے۔ دوبہ دار آک ضمانت خارج مننگ آ عدالت نا دنگ آن نرار۔ انسداد دہشت گردی عدالت ناایڈمن جج عنبرگل خان کیس انا سماعت ءِ کرے۔ جمعہ نادے آ سماعت اٹی جاست وپاستی آفیسر پارے کہ دوبہ دار آتا برخلاف تھانہ سٹی رائیونڈ اٹی پولیس آ جلہو تون اوار ایلو دفعہ غاتا رداٹ مقدمہ درج ءِ، جاست وپاست کن دوبہ دار آتا دزگیری درکار ءِ۔ عدالت دلیل آتا پورو مننگ آ شبیر گجر، خالد گجر تون اوار چار دوبہ دار آتا ضمانت آتے خارج کرے اوکان پد دوبہ دار آک موقع غان نرار۔
(اے پی پی)