کوئٹہ، شاری تا غاو آ فٹ پاتھ آ جوڑ ودیکاری اینک کننگا

کوئٹہ، وزیراعلیٰ بلوچستان نا پارت و ڈپٹی کمشنر کوئٹہ مہراللہ بادینی نا پرمان نارد اٹ ضلعی انتظامیہ کوئٹہ شاری تا غاو تے چٹفنگ و السی کسر تے ودیکاری تیان پاک کننگ کن عملی گام گیج آتے برجا تخانے۔ دا رد اٹ غاو دیوان اٹ دوئی مروک شاری تا غاو آ دمدستی کارروائی کرسا اسسٹنٹ کمشنر (صدر) محمد یوسف ہاشمی ایئرپورٹ نا خڑک آ ساڑی اسہ ہوٹل اسے نا کنڈ آن فٹ پاتھ آ جوڑ کروک ودیکاری نا برخلاف کارروائی کرے۔ کارروائی ٹی فٹ پاتھ ءِ ودیکاری تیان کلیئر کننگا وخت اس کہ سرکاری جاگہ غا ودیکاری جوڑ کننگ نا باندات آ ہوٹل نا مالک ءِ دزگیر کننگا۔ ضلعی انتظامیہ نا رِد اٹ فٹ پاتھ الس، خاص ور اٹ پند اٹ ہنوک آتیکن مخصوص مریرہ، ہرافتیا ہچ وڑ انا کانود آن چَپ کوزہ گیری و ودیکاری سگنگ مفک۔