مستونگ سم کاری واقعہ است ہسونی نا سوب ءِ، میر شعیب نوشیروانی

صوبائی وزیر خزانہ و معدنیات میر شعیب نوشیروانی مستونگ اٹی پیش بروک سم کاری نا است ہسون واقعہ نا سخت انگا لوز آتے ٹی مذمت ءِ کرسا سیشن جج عبدالحکیم کاکڑ و اونا گن مین محمد زمان نا شہادت آ ڈکھ و ارمان نا درشانی ءِ کرینے۔ تینا ہڑزخواہی بیان اٹی صوبائی وزیر خزانہ پارے کہ دا است ہسونی نا واقعہ مچ آ قوم ءِ ماتنی کرینے۔ او شہید آتا وطن و ریاست کن خذمت آتے خراجِ تحسین پیش کرسا پارے کہ اللہ تعالیٰ شہید آتا درجہ غاتے بڑزاکے۔ میر شعیب نوشیروانی سم کاری نا واقعہ ٹی ٹھپی مروک ایڈیشنل سیشن جج طارق لاشاری تون اوار کل ٹھپی بندغ آتا زُوت و پورو دراخ جوڑی کن دعا کرسا پارے کہ حکومت ٹھپی تے ہر وڑ انا طبی آسراتی تا فراوانی ءِ پک کے۔