وزیر اعلیٰ نا ٹھپی جج آ ٹیلفون، جانپڑسی ءِ تے کرے

وزیراعلیٰ بلوچستان میر سرفراز بگٹی ایڈیشنل سیشن جج طارق لاشاری آ ٹیل فون کرے و اونا جانپڑسی ءِ کرے و باور کرفے کہ پورو دراخ جوڑی اسکان اونا پورو خیال تخنگک۔ میر سرفراز بگٹی پارے کہ کانود و انصاف نا رکھوک آتے شست کروک آک ہچ ءُ رعایت اسے نا حقدار افس۔ حکومت بلوچستان دہشت گردی نا دا لغوری واقعہ نا زموار واوفتا کمککار آتے کانود نا دنگ اٹ اتسا اوفتا ایسر اسکان سر کیک۔ وزیراعلیٰ بلوچستان دا عزم انا درشانی ءِ کرے کہ حکومت عدلیہ، کانود نافذ کروک ادارہ و کل ریاستی ادارہ غاتتون پورو یکجہتی اٹ سلوک ءِ۔ او پارے کہ دہشت گردی نا کمک اٹ ریاستی ادارہ غاتے نزور کننگ نا ہر سازش بے سہب کننگک و بلوچستان اٹی امن و ایمنی کن کل المی گام گیج آک برجا سلرہ۔ وزیراعلیٰ دعا کرے کہ اللہ تعالیٰ ایڈیشنل سیشن جج طارق لاشاری تون اوار کل ٹھپی تے زُوت دراخ جوڑ کے و شہیدآتا درجہ غاتے بڑزا کے۔