نےپرا بجلی ءِ اسہ روپئی 88 پیسہ کبین کننگ نا منظوری ءِ تس

 اسلام آباد ( آن لائن )نیشنل الیکٹرک ریگولیٹری اتھارٹی (نیپرا) دسمبر کن فیول ایڈجسٹمنٹ نا مد اٹ بجلی اسہ روپئی 88 پیسہ فی یونٹ کبین کننگ نا منظوری تسنے۔ بجلی بشخ وپانٹ کروک آکمپنی تا دسمبر نا فیول پرائس ایڈجسٹمنٹ نا درخواست نا سماعت چیئرمین نیپرا نا کماشی ٹی مس۔ چیئرمین نیپرا استفسار کرے کہ دسمبر اٹ بجلی پیداوار اٹ فرنس آئل ءِ انتئے زیات کاریم اٹ اتنگانے، دسمبر اٹ 4 ارب 90کروڑ نا فرنس آئل ءِ کاریم اٹ اتنگا۔ کمامدار آک نیشنل پاور کنٹرول سینٹر پارینے کہ ننتون دسمبر اٹ گیس نا کاختی ئس۔ چیئرمین نیپرا پارینے کہ صارفین تا بجلی نا بل تننگ آن ہوغنگ سلوک ءِ، او دا اسہ تُو اٹ پانچ ارب نا فرنس آئل کاریم اٹ اتنگ ءُ۔ بجلی بشخ و پانٹ کروک آ کمپنی تا کنڈآن دسمبر نا فیول پرائس ایڈجسٹمنٹ نا مد اٹ 2 روپئی فی یونٹ ودکی خواہنگانے۔ نیپرا دسمبر نا فیول پرائس ایڈجسٹمنٹ نا رداٹ بجلی ءِ اسہ روپئی و 88 پیسہ فی یونٹ ودفنگ نا منظوری تس۔ نیپرا نا رداٹ دسمبر اٹ صارف آتیا 13 ارب 80کروڑ روپئی نا ودوک ءُ باریم اس تمک۔