نوشکے‘ زمیندارک کٹیاءِ ودفنگ کن روچ گڑدان نا فصل دسر‘خالد محمودبادینی
Get real time updates directly on you device, subscribe now.
نوشکے (تلار حوالکار) قومی کشاری ایمرجنسی پروگرام و محکمہ کشت وکار بلوچستان و بنجا نا اسیجائی اٹ روچ گڑدان نا پیداوار ءِ پین جوان کننگ نا رد اٹ ضلع نوشکے ٹی محکمہ زراعت توسیعی ناکنڈآن ڈائریکٹریٹ ایگریکلچر آئل سیڈز انا کمک اٹ ضلع نوشکے نا زمیندارتے ٹی ڈپٹی ڈائریکٹر توسیعی زراعت خالد محمود بادینی، ڈپٹی ڈائریکٹر ایگریکلچر پلانٹ پروٹکشن خلیل احمد مینگل و ڈپٹی ڈائریکٹر واٹر منیجمنٹ نوشکے ثناءاللہ بادینی اسک روچ گڑدان نا بج بشخار۔ داوخت آ ڈپٹی ڈائریکٹر زراعت توسیعی خالد محمود بادینی میڈیا تون ہیت وگپ کرسا پارے کہ نوشکے اسہ آباد ءُ علاقہ سے قدرتی وڑ اٹ نوشکے نا ڈغار کشاری پیداوار کن جوان ءِ‘ داڑے پٹی‘ انگور و ایلو فصل و باغ تیان پد روچ گڑدان نا فصل ہم جوان مریک ہرانا کٹیا زیات ءِ‘ روچ گڑدان نا فصل مسہ تُو اٹ تیار مریک و دیر ہم بھاز کم کنیک۔ محکمہ کشت وکشار روچ گڑدان نا پیداوار ءِ ودفنگ کن بج مفت بشخنگ اٹی ءِ انتئے کہ روچ گڑدان نا فصل آن تیل جوڑ مریک ہراکہ کٹیا کروک ءُ پوریا سے‘ اوپارے کہ نوشکے نا زمیندارک بایدے ایلو فصل آتون اوار روچ گڑدان نا فصل ءِ ہم زیات آن زیات دسر۔