اے سی قلات نا قلات ہائی وے آ ہوٹل آتیا چھاپہ‘مسہ ہوٹل ءِ ڈنڈ کننگا

قلات (فیض نیچاری) اسسٹنٹ کمشنر قلات زاہد حمید لانگو لیویز ٹیم اتون اوار قلات نا ہائی وے روڈ آ جوڑ آغا جان دبئی ہوٹل، میری ہوٹل، مڈوے ہوٹل، ماشاءاللہ ہوٹل، مہلبی ہوٹل آ ہنسا کنوئی آ گڑاتتون اوار سَفائی نا جاچ ءِ ہلک‘ دا وخت مسہ ہوٹل ءِ ہیبدار سَفائی‘ گرانفروشی و حکومت بلوچستان ناکنڈآن جاری کروک ایس او پی تیا عملدرآمد کپننگ آ ڈنڈ کننگا و مہلبی ہوٹل و میری ہوٹل نا مالک آتے وارننگ تننگا‘ اے سی قلات غٹ ہوٹل مالک آتے پارت کرے کہ ایس او پی تیا عملدرآمد ءِ پک کیر و سَفائی نا خاص ءِ خیال ءِ تخر‘ سرکاری نہاد لڑ انا پابندی ءِ کیر نہ تو خلاف ورزی کروک آتا برخلاف کانودی کارروائی کننگک۔