کوئٹہ کراچی شاہراہ، کھاری نا خڑک آ کوچ و ٹرک اس ڈوک لگار، 2بندغ زوال

کوئٹہ:  کوئٹہ کراچی شاہراہ بلوچستان نا علاقہ وندر نا خڑک ناکہ کھارڑی نا خڑک کوچ و ٹرک اسے نا ڈوک لگنگ آن 2بندغ زوال کریر وخت اس کہ 30آن زیات بندغ ٹھپی مسر۔ سرجم حوال آتارداٹ چارشنبے و پنچ شنبے نا نیامی نن آ بلوچستان نا علاقہ حب وندرناکہ کھارڑی نا خڑک کراچی آن اوتھل آ ہنوک آ کوسٹر ٹرک اسے تون ڈوک لگا ہراٹی اِرا بندغ زوال مسر وخت اس کہ 30بندغ آن زیات ٹھپی مسر، زوال و ٹھپی مروک آتے ٹی زالبول و چناہم اوار ارے۔ شکست نا حوال ملنگ تون ایدھی ایمبولینس و پولیس واقعہ نا جاگہ غا سرمرسا ٹھپی تے ایدھی ایمبولینس نا کمک اٹ حب جام غلام قادر سول ہسپتال آ مون تسر ہرافتے ٹی زیات ٹھپی مروک آتے بنائی طبی امداد آن پد کراچی آمون تننگا۔

(اے پی پی)