اے این ایف نا منشیات نا برخلاف کارروائی،منشیات دوئی
Get real time updates directly on you device, subscribe now.
اسلام آباد:اینٹی نارکوٹکس فورس (اے این ایف) نا منشیات نا برخلاف سرسہب کارروائی تا چرجوئی برجاءِ۔ اے این ایف ترجمان نارداٹ اے این ایف و اے ایس ایف لاہور انٹرنیشنل بالی پٹ آ اسیجائی کارروائی کرسا لاہور انٹرنیشنل بالی پٹ فلائٹ نمبر QR 621آن انڈونیشیا غا ہنوک آ دوبہ دار نا ٹرالی بیگ آن 1 کلو 140 گرام آئس دوئی کریر، کرم نا ہنکینی دوبہ داراسے دزگیر کرینو۔ اسہ پین کارروائی اسے ٹی ٹوبہ ٹیک سنگھ رجانہ روڈ انا خڑک کار اسے آن 43 کلو 200 گرام چرس دوئی کرسا ٹوبہ ٹیک سنگھ انا ہنکینی زالبول اسے تون اوار 2دوبہ دار ءِ دزگیر کرینو۔ اسہ پین کارروائی اسے ٹی کوئٹہ پشین اٹی کارروائی کرسا غیر آباد اُراسے ٹی اودیم کروک 1500 کلو چرس دوئی کرینو۔ اے این ایف و ایف سی نا زیڑااورکزئی ٹی اسیجائی کارروائی کرسا چیک پوسٹ آ چیکنگ اٹی لوئر اورکزئی نا ہنکینی دوبہ دار اسے آن 5 کلو 500 گرام چرس دوئی کرینو۔ دزگیر دوبہ دار آتا برخلاف منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔
(اے پی پی)