عمران خان ءِ آر ٹی ایس سسٹم ءِ تولفسا زور اٹ اتنگا، مریم اورنگزیب
Get real time updates directly on you device, subscribe now.
اسلام آباد: مسلم لیگ ن نا ترجمان مریم اورنگزیب پارینے کہ آر ٹی ایس ءِ تولفسا عمران خان ءِ اتنگا و داسہ عمران خان ءِ کڑسی ناپلنگ ناخلیس ہرفینے‘ اودے سماتمانے کہ اونا اُراغا ہننگ نا وخت بسنے۔ او شہباز شریف ءِ کریمنل پاننگ نا ہمت امر کرے؟ سڑک آتیا بننگ نا دھڑکو دیر ءِ تننگ اُس؟ دا مکافات عمل ءِ نی بچنگ کپیسہ‘ نی الیپننگ نا دھڑکو تننگ اُس‘ پاسہ خطرناک مریوہ‘ نی تو مہالو آن الس ءِ زند آن بٹینس‘ داسہ نا زنچک مریک و الس نا دو مریک۔ وزیراعظم نا تدوک آ دے سڑک آتیا بننگ نابابت بیان آ اسلام آباد اٹ پریس کانفرنس کرسا ترجمان پاکسان مسلم لیگ نون مریم اورنگزیب پارے کہ عمران خان نا تدوک آدے تران اسہ نابود‘ نالائخ ءُ بندغ اسے نا تران ئس‘ وزیراعظم ءِ اقتدار ناپلنگ نا خلیس ہرفینے‘ اودے سما تمانے کہ او نابود اسے‘ اودے بیساکھی ترسا و آرٹی ایس ءِ تولفسا اتنگا‘ او پاننگ ءِ کہ دفتر اٹ تولوک ہیت بنوہ‘عمران خان ہراتم ہیت کیک مخلوق آ تہمت خلیک‘ عمران الس ءِ ارغ‘ بورہ‘ دارو ہلنگ نا وس آن بٹینے‘ مسہ نیم سال الس نا جیب آ داڑیلی کننگا‘ عمران خانن بیر ہلنگ ننا خلیس ءِ چٹفینے‘ اوشہباز شریف ءِ کریمنل پاننگ نا ہمت امر کرے؟ ہراتم نی سڑک آتیا ئسس ہمو وخت آ وزیراعظم نواز شریف ئس‘سڑک آتیا بننگ نا دھڑکو دیر ءِ تننگ اٹی اُس؟ فارن فنڈنگ کیس اٹ طاہر اقبال، محمد رفیق دیر ءُ؟ کریمنل نت‘ بورہ دزی کروک آ مریک‘ کریمنل ہمو مریک ہرا 1200 ارب نا نت کرپشن کے‘ کڑسی آن دڑنگاس نا پن ءِ ہلوک ءُ کس اس مفک۔