کشاری بشخ انا گچینی، پیدوار اٹ ودکی، پوسکن آ وڑ و ڈَول تے دوئی کننگ کن ایکشن پلان اس جوڑ کننگے، عمران خان

0

Get real time updates directly on you device, subscribe now.

اسلام آباد (آن لائن) وزیر اعظم عمران خان پارینے کہ فوڈ سکیورٹی ءِ پک کننگ ءِ اولیت ایتنہ، کشاری بشخ انا جوانی، پیداوار اٹ ودکی و بشخ ءِ ساڑی گرج آتون مون تننگ نا بابت اٹ اڈ تروک آ میڈیم و لانگ ٹرم ڈٹ آتا بابت اٹ ٹائم لائنز تون گنڈوک ایکشن پلان اس پیش کننگے۔ دا خیال آتا درشانی ءِ او کشاری بشخ اٹ اصلاحات خاص کر کشاری پیداوار اٹ ودکی و فوڈ سکیورٹی نا چیلنج آتون مون تننگ کن ہرفوک آ گام گیج آتا بابت اٹ جاچ ہلوک دیوان نا کماشی ءِ کرسا کرے۔ دیوان اٹ وزیربرائے فوڈ سکیورٹی سید فخر امام، وزیرِ حوالکاری سینیٹر شبلی فراز، خاص انگا کمکار ڈاکٹر شہباز گل، سیکرٹری نیشنل فوڈ سیکیورٹی عمر حمید خان و کشاری بشخ آن تعلق تخوک آ ہمو افسرک بشخ ہلکر۔ دیوان ءِ ملک انا ودوک آ آبادی نا بابت فوڈ سیکیورٹی نا بابت اٹ دوئی مروک آ چیلنج آک، جتا جتا کشاری گڑاتا پیداوار نا ساڑی حالیت، وزیرِ اعظم ایگریکلچر ایمرجنسی پروگرام آ پیش رفت و جتا جتا گڑاتا پیداوار ءِ ودفنگ و کشاری بشخ ءِ ساڑی دور انا گرج آتا بابت اٹ تفصیل اٹ بریفنگ تس۔ 

Get real time updates directly on you device, subscribe now.

Leave A Reply

Your email address will not be published.