بلوچستان اٹ 3 ریذیڈنشل کالج، 17 گرلز ڈگری کالج جوڑ کننگ نا منظوری

کوئٹہ(آن لائن)وزیراعلیٰ بلوچستان جام کمال خان نا کماشی ٹی اڈ ہلوک شونداری ویل آتا جاچ ہلوک دیوان اٹ اینخو مالی سال انا شونداری پروگرام اٹ اوار ہائر ایجوکیشن نا اقامتی ادارہ، کالج آک، پولیٹیکنک انسٹیٹیوٹس و لا کالج ناس جوڑ کننگ نا پُوسکن آ ڈٹ آتا ڈیزائن و ماسٹر پلاننگ نا منظوری تسنے، دا ڈٹ آتیٹی مسہ بلوچستان ریذیڈنشل کالج، 17ڈگری کالج، مسہ پولی ٹیکنک انسٹیٹیوٹس و اسہ لا کالج اس وخت اس کہ 11 تعلیمی ادارہ غاتا اپ گریڈیشن ہم اوار ءِ، صوبائی وزیر مواصلات وتعمیرات میر عارف جان محمد حسنی، ایڈیشنل چیف سیکرٹری ڈٹ بندی و شونداری، سیکرٹری خزانہ، سیکرٹری مواصلات، سیکریٹری ہائر ایجوکیشن و ایلو کمامدار آک دیوان اٹ بشخ ہلکر۔