زمبابوے نا دورہ پاکستان پک‘ میچ آک خالی اسٹیڈیم اٹ مریرہ
Get real time updates directly on you device, subscribe now.
لاہور (مانیٹرنگ ڈیسک) پاکستان کرکٹ بورڈ (پی سی بی) زمبابوے نا برخلاف سیریز نا وینیوز و شیڈول ءِ پک کرے، مہمان ٹیم اسلام آباد اٹ قرنطینہ ءِ پورو کیک، سیریز ملتان و راولپنڈی ٹی گوازی مریک، میچ آک شیدائی تیان بیدس گوازی مریرہ۔ پاکستان کرکٹ بورڈ پک کرینے کہ مسہ ون ڈے میچ آتا سیریز نا بنا 30 اکتوبر آن مریک، ملتان اٹ مروک آ دا سیریز نا ایلو ارا میچ آک یکم و 3 نومبر آ مریرہ۔ داڑان بیدس ہڑتوم آ ٹیمک ٹی ٹوئنٹی سیریز راولپنڈی ٹی 7، 8 و 10 نومبر آ گوازی کیرہ۔