پیری ٹی ورنا تیان جوان جانجوڑ پاکستانی باڈی بلڈر

لاہور (مانیٹرنگ ڈیسک) زندہ دلان لاہور آن تعلق تخوک آ باڈی بلڈر یحییٰ بٹ نا وہی دا وخت آ کم از کم 60 آن خڑک ءِ۔ مالو او مسٹر پاکستان تون اوار کیہی اعزاز تینا پن آ کرینے۔ اولیکو نظر اٹ اگہ کس اس لاہور نا باتی یحییٰ بٹ ءِ باڈی بلڈنگ کننگ آ خننگ تون اودے یقین بفک کہ دا ورنا اسے۔ ولدا ہم او 60 سال نا وہی اسکان سر مسنے۔ یحییٰ بٹ پاکستان اٹ باڈی بلڈنگ نا جوانی کن گام گیج کروک آتیان ءِ۔ گوازی تا بابت اٹ العربیہ ڈاٹ نیٹ اٹ شینک مروک آ رپورٹ نا رداٹ یحییٰ بٹ کورونا وائرس نا ہم گواچی مسوسُس ولے او زوت اس دا دَین آن جانجوڑ مس۔