گیس اتون تعلقدار باندات آتیا سلاہ سوج اٹ کسر اس سجفنگے، عمران خان

اسلام آباد(آن لائن) وزیرِاعظم عمران خان پارینے کہ گیس انا بابت معاملہ غاتا تعلقداری اسہ صوبہ یا علاقہ سے آن اف وخت اس کہ دا مچ آ ملک انا ویل اسے، گیس نا بابت معاملہ غاتیا جوان سلاہ غان پد آخبت نا لائحہ عمل ءِ جوڑ کننگ نا گرج ءِ، کل انا سلاہ تے کونسل نا مون آ تخنگے۔ وزیر اعظم نا کماشی ٹی گیس انا بشک انا بابت ویل آتیا تدوک آ دے دیوان اس اڈ ہلک۔ دیوان ٹ بنجائی وزیر تیان پرویز خٹک، سید شبلی فراز، ڈاکٹر فہمیدہ مرزا، اسد عمر، عمرایوب خان، خصوصی کمکار ندیم بابر و ڈاکٹر شہباز گل اسک بشخ ہلکر۔ دیوان اٹ ملک اٹ گیس انا ویل، گیس انفراسٹرکچر، گیس انا بشخ ءِ دوئی آ ویل و آخبت نا گرج آتے مون آ تخسا بروک آ لائحہ عمل نا بابت اٹ تفصیل اٹ تینا خیال آتا درشانی ءِ کننگا۔ خصوصی کمکار ندیم بابر ملکی کہول آ گیس انا پیداوار، ملکی گرج آک، درآمد مروک آ گیس انا کچ و بہا و آخبت نا گرج آتے مون آ تخسا طلب و رسد نا خرچہ غاتیا جوان تفصیل اٹ بریفنگ تس۔