چیئرمین سینٹ مدام بلوچستان ناالس ناویل آتا بابت توار چست کرینے‘میر ضیاءلانگو

اسلام آباد (خ ن) چیئرمین سینٹ صادق سنجرانی تون وزیرداخلہ بلوچستان میر ضیاءاللہ لانگو اوڑدہی کرے‘ اوڑدہی ناوخت آ تین پہ تینی استخواہی تا امور آ ہیت وگپ کننگا۔ صوبائی وزیر داخلہ چیئرمین سینٹ نا بلوچستان نا نشست آتے ودفنگ آ اونا خصوصی منت ءِ ہرفے و اونا خذمت آتا ستاءِ کرسا پارے کہ چیئرمین سینٹ مدام بلوچستان ناالس ناویل آتا بابت توار چست کرینے و اوفتا کوشست آتا سوب آن ویل آک ایسر مسنو او پارے کہ چیئرمین سینٹ کل پارٹی تا باسک آتے دا ہیت آ منفے ہراکہ جوان ءُ گام اسے داڑان بلوچستان نا بندغ آتیکن غٹ پارٹیک جوان ءروایت اس جوڑ کرینو‘ وزیرداخلہ صوبائی حکومت و بلوچستان عوامی پارٹی ناکنڈآن ملک انا غٹ سینیٹر آتا منت ءِ ہرفے ہرافک آئینی ترمیمی بل ءِ بڑزکو ایوان آن امنائی اٹ منظور کرفیر۔ او پارے کہ نن اومیت کینہ کہ بلوچستان نا احساس محرومی ءِ چٹفنگ کن اسیجائی اٹ جہد کیرہ۔