مستونگ‘شاراٹ ارٹمیکو دے ہم لاک ڈاﺅن کننگا
Get real time updates directly on you device, subscribe now.
مستونگ (آن لائن) صوبائی حکومت و ضلعی انتظامیہ نا پرمان نا رد اٹ شاراٹ ارٹمیکو دے ہم لاک ڈاﺅن کننگا۔ حوال نا رد اٹ کورونا وائرس نا سوب آن صوبائی حکومت نا پڑو آن پد دو شنبے نادے ہم مستونگ شار اٹ شٹر ڈاﺅن ئس‘ پرچون‘ میڈیکل‘ داش ‘ بیکری تیان بیدس شار انا غٹ واپاری ہندجاٹ آتون اوار دکان بند ئسر۔ وخت اس کہ مستونگ آن کوئٹہ وایلو روٹ آتیاچلینگوک آ لوکل ٹرانسپورٹ ہم بند ئس‘ داکان بیدس ڈپٹی کمشنر مستونگ محبوب احمد نا پارت آ ضلعی انتظامیہ کوئٹہ کراچی قومی شاہراہ غا غیرکانودی وڑ اٹ ٹرک وایلو گاڈی تے ٹی سفرآرکھ آن پد ہم سفر کننگ آ جم وڑ اٹ 19گاڈی آن 400 سواری تے دزگیر کرسا مستی کارروائی کننگ کن کوئٹہ غا راہی کرے۔