کوروناوائرس‘دعوت اسلامی پاکستان تون اوار مچ آدنیا ٹی بندغ آتا کمک ءِ کیک
Get real time updates directly on you device, subscribe now.
کوئٹہ (آن لائن) امیر اہلسنت علامہ محمد الیاس عطار قادری پارینے کہ دا وخت آ دنیا ٹی کورونا وائرس نا پن اٹ دَین اس تالان مسنے ہرا لکھ آ بندغ آتے زہمی کرینے دا مشکل وسختی نا وخت اٹ دعوت اسلامی پاکستان تون اوار مچ آدنیا ٹی بندغ آتا کمک ءِ کننگ نا پڑو کیک‘ دا خیر انا کاریم اٹ دعوت اسلامی نا ہزار آکارندہ غاک بشخ ہلیرہ‘ کمکی پیکیج اٹ کنوئی ءُ گڑا بشخ وپانٹ کننگک۔دا کمکی پروگرام ساڑی حالیت اٹ و داکان پد ہم غریب مسلمان تا کمک ءِ کرسا کیک۔ امیر اہلسنت پارے کہ اینو مچ آدنیا ٹی کورونا وائرس نا سوب آن ہرا حالیت آک ءُ او کل آ پاش ءِ‘داڑان نیامئی تپّہ خاص بھاز فریشان ءِ‘ نن مدام غریب آتتون تفین‘ ساڑی حالیت اٹ ہم ننا دا سوچ جوڑ مس کہ نن تینا غریب مسلمان تا کمک ءِ کین۔