کے پی واقعہ غاتا ورندی،سیکورٹی فورس آتا اوغان سیمی علاقہ ٹی کارروائی، 37 دہشت گرد خلنگار

اسلام آباد، خیبرپختونخوا ٹی داسہ نا دہشت گردی نا واقعہ غاتا ورندی ٹی سیکورٹی فورس آک اوغان سیمی علاقہ ٹی کروک کارروائی تے ٹی کیہی خودکش بمبار تتون اوار 37 دہشت گرد ءِ خلکر۔ کوہاٹ، ہنگو و تھل نا ایب کیب اٹی انٹیلی جنس بیسڈ آپریشن و ہدف آ تالان فضائی کارروائی کننگا ہرافتیٹی 9 خارجی خلنگار و کیہیک ٹھپی مسر، خوارج و اوفتتون تعلقدار ٹولی تا 3 اہم ہند و ہائیڈ آؤٹ و خودکش بمبار آتا ہیلکاری ہند آتے ہم بھس کننگا۔ حکومتی ترجمان نا کنڈ آن جاری مروک بیان اٹی پاننگانے کہ خیبرپختونخوا ٹی داسہ نا دہشت گردی نا واقعہ غاتیان پد سیکورٹی فورس آک کارروائی کننگ ءُ‘ کوہاٹ، ہنگو و تھل نا ایب کیب اٹی انٹیلی جنس بیسڈ گراؤنڈ آپریشن و ہدف آ تالان فضائی کارروائی کننگانے۔ کوہاٹ و ہنگو ٹی سیکورٹی فورس آتا سرسہب گراؤنڈ آپریشن اٹی بھارتی پروکسی ’فتنہ الخوارج‘ نا 9 خارجی خلنگار‘ کیہیک ٹھپی مسر۔ پاک اوغان سیمی علاقہ ٹی دہشت گرد آتا ہند آتیا فضائی اسٹرائیکس کننگا۔ خوارج و اوفتتون تعلقدار ٹولی تا 3 اہم ہند و ہائیڈ آؤٹس و خودکش بمبار آتا ہیلکاری ہند ءِ بھس کننگا۔ اوغان سیمی علاقہ ٹی کروک کارروائی ٹی کیہی خودکش بمبار تتون اوار 28 دہشت گرد خلنگار۔ ترجمان نا رِد اٹ دہشت گرد آتا ہند آتے ٹی سلہہ و منچر نا بھلو کوڑی اس ہم پورو وڑ اٹ بھس کننگا۔ پاکستان نا کنڈ آن اوغان ڈغار نا پاکستان نا برخلاف کاریم اٹ اتنگ و دہشت گردی نا بنداو جوڑ مننگ آ بھاز گڑتی درشان کننگانے و ترجمان نا رِد اٹ سیکورٹی فورس آک بیرہ دہشت گرد آتا ہند آتے شست کریر، کارروائی ٹی لس شاری تا رکھ انا کل گام گیج آتے پک کننگا۔ عزمِ استحکام نا رِد اٹ آپریشن ‘غضب للحق’ برجا سلک۔ ترجمان پارے کہ ملک آن درملکی کاٹم خواجہی ٹی مروک دہشت گردی نا پورو چٹفنگ اسکان بے فرق کارروائیک برجا سلرہ۔