کمانڈنٹ ایف سی پنجگور رائفلز، گورنمنٹ گرلز ڈگری کالج چتکان اٹی مسرطالب علم آتے درسی کتاب تننگا
تعلیم آن نن گچین آخبت نا کنڈ آ سفر کرسا تینا بروک آ چین تے جوان زنداس تننگ کینہ‘ بریگیڈیئر نادر محی الدین
Get real time updates directly on you device, subscribe now.
پنجگور، گورنمنٹ گرلز ڈگری کالج چتکان اٹی کمانڈنٹ ایف سی پنجگور رائفلز نا کنڈ آن مسڑ طالب علم آتے ٹی درسی کتاب بشخ وپانٹ کننگا‘ درسی کتاب آتا بشخ وپانٹ نا بابت اسہ گونڈ و اہم ءُ دود اس اڈ ہلک و دود انا خاص انگا مہمان کمانڈنٹ ایف سی پنجگور رائفلز بریگیڈیئر نادر محی الدین ئس‘ طالب علم آک خاص انگا مہمان ءِ گلدستہ پیش کرسا بخیرکریر۔ دود اٹ کالج انتظامیہ نا کنڈ آن مسڑ طالب علم آتے درسی کتاب فراوان کننگ نا بابت اڈ ہلوک دود اٹی کمانڈنٹ ایف سی طالب علم آتے درسی کتاب تس وتعلیم نا اہمیت آ طالب علم آتتون گپ وتران کرے۔ طالب علم آک کالج نا ویل، کالج بس انا جوڑجار‘ کلاس روم و دفتر کن سولر سسٹم نا فراوانی تون اوار کالج نا بنداوی ویل آتا ایسری کن کمانڈنٹ ایف سی ءِ تینا خواست آتے پیش کریر۔ کمانڈنٹ ایف سی بریگیڈیئر نادر محی الدین طالب علم آتیان تران کرسا پارے کہ تعلیم آن نن گچین آخبت نا کنڈ آ سفر کرسا تینا بروک آ چین تے گچین ءُ زند اس تننگ کینہ، تعلیم دوئی کننگ ننا گرج و آخبت اٹی بروک آ چیلنج آتتون مون تننگ کن اسٹ انگا وڑ ءِ تانکہ نن خوانندہ مفن و تعلیم دوئی کننگ آ چکار کپن ننا بروک آ چینک پوسکوڑ دور و آخبت نا بدلی تتون مون تننگ کپسہ۔ او پارے کہ پنجگور نا چناتا ہرا ذہن ءِ او ملک انا اسہ علاقہ اسے ٹی ہم اف۔ (نامہ نگار)