چاغی آن دالبندین روڈ انا خراب حالیت نا نوٹس ءِ ہلنگے

چاغی آن دالبندین روڈ انا حالیت خراب مسنے، چاغی دالبندین روڈ آ بھلو بھلو کھڈ جوڑ مسنو، شاری و ٹرانسپورٹر آک سخت خواری تا گواچی ءُ، کمامدار آک نوٹس ہلیر‘ حوال نارد اٹ چاغی آن دالبندین روڈ پورو وڑ اٹ پنوک ءِ‘ چاغی دالبندین سڑک ءِ تدوک آ کیہی سال آتے آن کس جوڑ کتنے‘ چاغی آن دالبندین روڈ آ داسہ بھلو بھلو کھڈک جوڑ مسنو، روڈ آ لوڑ ودنز انا سوب آن مسافر و ٹرانسپورٹر آک بھاز فریشان ءُ‘ چاغی نا ٹرانسپورٹر و مسافر آتے ہن وبر اٹ بھاز خواری مون تروئی تمنگ اٹی ءِ و ایمرجنسی اٹی ناجوڑ آتے ہسپتال اسکان سر کننگ اٹ بھاز لگنگ آن کیہی وار ناجوڑ آک کسر آ زوال مسنو۔ چاغی دالبندین روڈ آ بھلا بھلا کھڈ آتا سوب آن سفر کننگ بھلو خواری اس جوڑ مسنے۔ نامہ نگار)