طالب علم آتے پوسکن آ طب انا تعلیم تننگ نا لائخ مسنن،گورنر بلوچستان
Get real time updates directly on you device, subscribe now.
کوئٹہ(خ ن) گورنر بلوچستان امان اللہ خان یاسین زئی پارینے کہ دنیا بھاز ترندی اٹ بدل مننگ اٹی ءِ، ہرانا جانجوڑی نا بشخ آ ہم زہم تمنگ ءِ گڑا دا بشخ اٹی ہم تالانی و پوسکنی ودی مننگ اٹی ءِ۔ گورنر یاسین زئی پارے کہ صوبہ ٹی اولیکو وار میڈیکل یونیورسٹی اس جوڑ کننگ آن پد داسہ نن مچ آ صوبہ نا میڈیکل بشخ اتون گنڈوک بندغ آتے پوسکن آ طب انا تعلیم آن شُپ کننگ نا لائخ مسنن۔ گڑا المی ءِ کہ غٹ تعلقدار بندغ آک بولان میڈیکل یونیورسٹی نا پین سرسہبی کن سِخت اٹ کوشست کیر۔ دا ہیت آتا درشانی ءِ او تدوک آ دے گورنر ہاﺅس کوئٹہ ٹی بولان یونیورسٹی آف میڈیکل اینڈ ہیلتھ سائنسز نا یونیورسٹی ایجوکیشنل ڈویلپمنٹ پروگرام (UEDP) نا سیلف فنانس اسکیم نا رد اٹ داخلہ ہلوک آ مار مسڑ طالب علم و لمہ باوہ غاتیا تالان اسہ ڈَل اسے تون ہیت و گپ کرسا کرے ۔ گورنر بلوچستان اوڑدہی نا وخت آ بولان میڈیکل یونیورسٹی نا کوٹہ سسٹم، جتا کروک سیلف فنانس نا نشست و خوانوک آ میڈیکل اسٹوڈنٹ آتا چکار ءِ پوسکن آ تعلیم و پٹ و پول نا کنڈ آ کرفنگ نا بابت چست کروک سوج انا سرجمی اٹ ورندی ءِ تس۔ ڈَل گورنر بلوچستان ءِ بولان یونیورسٹی آف میڈیکل اینڈ ہیلتھ سائنسز اٹی سیلف فنانس نا نشست آتیا گچین مروک طالب علم آتے مون تروک ویل آتیان معلومدار کرے۔