کیو ڈی اے نا این او سی تننگ نا عمل ءِ آسان جوڑ کننگک، فضیل اصغر

0

Get real time updates directly on you device, subscribe now.

کوئٹہ (خ ن) چیف سیکرٹری بلوچستان کیپٹن (ر) فضیل اصغر ناکماشی ٹی ہاﺅسنگ سیکٹر نا بشخ اٹ شونداری نابابت دیوان اس اڈ ہلک ہراٹی صوبہ ٹی تعمیراتی کاریم تے ٹی ترندی‘ ون ونڈو آپریشن نا بنا و ہاﺅسنگ سیکٹر اٹ زرکار آتے آسراتی فراوان کننگ تون اوار چندی امور تا جاچ ءِ ہلنگا‘ دیوان اٹ ایڈیشنل چیف سیکرٹری ترقیات، سیکرٹری یو پی اینڈ ڈی، سیکرٹری لوکل گورنمنٹ، سیکرٹری سی اینڈ ڈبلییو، چیف ایگزیکٹو آفیسر کیسکو تون اوار تعلقدار کمامدار آک بشخ ہلکر۔ چیف سیکرٹری دیوان آن تران کرسا پارے کہ وزیراعظم پاکستان نا پارت آ ہاﺅسنگ سیکٹر اٹ زرکار آتے آسراتی فراوان کننگ ءِ پک کننگک ہراڑکن ون ونڈو آپریشن نا بناءِ کننگ انگ ءِ ہراٹی تعلقدار محکمہ غاتا افسر آک تولرہ و دانا مسخت کیو ڈی اے ناکنڈآن بندغ آتے این او سی دوئی کننگ ناعمل ءِ ہم آسان کروئی ءِ و ون ونڈو آپریشن نا بنا غان این او سی دوئی کننگ نازیات وخت 15 غان 20 دے مریک۔ اوپارے کہ تعمیراتی بشخ ءِ مون تروک غٹ چیلنج آتیا ہیت وگپ کننگ کن دیوان اڈ تننگک۔ او پارے کہ وزیراعظم ناکماشی ٹی ہاﺅسنگ، تعمیر وشونداری نا بابت قومی رابطہ کمیٹی ٹہیفنگانے ہرانا مسخت بندغ آتے کم خڑچ اٹ رہینگ کن ہند تننگ ءِ ہرافک تینا اُراتا خڑچ ءِ پورو کننگ کپسہ۔ دا تعمیراتی صنعت نا بابت و آسراتی فراوان کننگ اٹ آسانی کن کانود ہم جوڑ کننگک۔ او پارے کہ اگہ ماڑی تا ڈیزائن و اسٹرکچر انجنئیرنگ کانو نا وڑ اٹ مریر تو بڑز انگا ماڑی تا جوڑ کننگ اٹ ہچ ءُ ویل اس اف و داڑان شار انا زیبائی ہم ودک۔

Get real time updates directly on you device, subscribe now.

Leave A Reply

Your email address will not be published.