وزیر داخلہ بلوچستان نا بلوچ طالب علم آتا پنجاب اٹ دزگیری نا نوٹس

نن تینا چناتے ایلو صوبہ غاتے ٹی تعلیمی نصابی سرجز آتا دوئی کننگ کن راہی کینہ، سیاست ناگواچی مننگ کن الیپنہ تا

0

Get real time updates directly on you device, subscribe now.

کوئٹہ: وزیرداخلہ بلوچستان میر ضیاء اللہ لانگو پنجاب اٹ بلوچ طالب علم آتا دزگیری نا نوٹس ءِ ہلسا ایڈیشنل چیف سیکرٹری داخلہ بلوچستان صالح محمد ناصر ءِ پرمان کرے کہ محکمہ داخلہ پنجاب تون دمدستی رابطہ کرسا رپورٹ پیش کننگے و پنجاب نا بڑزکو کمامدار آتے دا بابت معلومدار کننگے کہ بلوچستان نا طالب علم آک بے وارث افس نن اوفتا وارث ان‘ نن تینا چناتے ایلو صوبہ غاتے ٹی تعلیمی نصابی سرجز آتا دوئی کننگ کن راہی کینہ اوفتے سیاست ناگواچی مننگ کن کس انا دو آ الیپنہ‘ ولے پنجاب اٹ بلوچستان نا طالب علم آتتون ناروا سلوک کننگک ہراکہ مذمت نا قابل و گڑتی ناسوب ءِ۔ وزیرداخلہ بلوچستان میر ضیاء اللہ لانگو کل بلوچ طالب علم آتیان خواست کرے کہ او صوبہ غان پیشن بیرہ تینا تعلیم آ چکار کیر‘ بلوچستان نا الس آن اومیت آک اوفتتون گنڈوک ءُ‘ بلوچ طالب علم آک بلوچستان نا آخبت ءُ۔ سٹی آ گڑاتے ٹی تینا وخت ءِ زیان کپس۔ وزیرداخلہ مستی پارے کہ نم ڈاکٹر، انجینئر جوڑ مرسا صوبہ نا خذمت ءِ کبو‘ ہراڑان بلوچستان نا پن روشنا مریک‘ داوخت بیرہ تعلیم دوئی کننگ ناءِ۔ دارد اٹ اے سی ایس داخلہ بلوچستان صالح محمد ناصر اے سی داخلہ پنجاب تون رابطہ کرے و اوڑتون جم وڑ اٹ ہیت کرے۔ اے سی داخلہ پنجاب اودے باور کرفے کہ ہمو کل بندغ آتے ہرافتے غلط فہمی نا بنداو آ پنجاب پولیس ہرفینے اوفتے زوت یلہ کننگک‘ دا باوری کرفنگ آ وزیرداخلہ بلوچستان است جمی نادرشانی کرے۔

(خ ن)

Get real time updates directly on you device, subscribe now.

Leave A Reply

Your email address will not be published.