میر عبدالغفور کلمتی ٹیچنگ ہسپتال گوادر کن دارو تا اِرا ریسہ سر مسر

گوادر، وزیراعلیٰ بلوچستان میر سرفراز بگٹی نا پارت آ میر عبدالغفور کلمتی ٹیچنگ ہسپتال گوادر کن دارو تا اِرا ریسہ گوادر آ سر مسنو۔ دا گام گیج نا مسخت ہسپتال اٹی دارو تا ساڑی گری ءِ پک کننگ و ناجوڑ آتے درمان نا گچین آسراتی فراوان کننگ ءِ۔ وزیراعلیٰ بلوچستان میر سرفراز بگٹی نا الس نا جانجوڑی تون تعلقدار وژن و الس دوست پالیسی نا رد اٹ صوبہ ٹی طبی آسراتی تا گچینی‘ سرکاری ہسپتال آتیٹی دارو تا فراوانی و الس ءِ آب اٹو درمان آسراتی فراوان کننگ کن گام گیج برجا ءِ‘ میر عبدالغفور کلمتی ٹیچنگ ہسپتال گوادر کن دارو تا فراوانی ہم ہندا لڑی نا اہم ءُ ریسہ اسے۔ دارو تا بننگ آن ہسپتال اٹی درمان مروک ناجوڑ آتے طبی آسراتی تا فراوانی ٹی کمک رسینگک‘ وخت اس کہ دا گام گیج گوادر نا الس ءِ جانجوڑی نا گچین آسراتی فراوان کننگ نا حکومتی ارادگی نا ڈیک ءِ۔