اسسٹنٹ کمشنر استا محمد ماریہ شمعون نا چندی دکان تا جاچ
Get real time updates directly on you device, subscribe now.
اُستا محمد، السی غاو تیا انتظامیہ نوٹس ہلسا جناح روڈ آ ککڑ نا دکان تا دورہ ءِ کرے، پک کروک نہاد آن زیات بہا کروک کیہی دکاندار آتے ڈنڈ کننگا و پک نہاد آتیا عملدرآمد نا سخت پارت کننگا۔ یات سلے کہ تدوک آ دے ڈپٹی کمشنر اُستا محمد محمد رمضان پلال نا پارت آ شار اٹی کنوئی گڑا تا نہاد آتے کنٹرول کننگ، ناروا کٹیا کاری نا توننگ و شاری تے ریلیف فراوان کننگ کن انتظامیہ نا کنڈ آن کارروائیک برجاءُ۔ دا رد اٹ اسسٹنٹ کمشنر اُستا محمد ماریہ شمعون جناح روڈ آ ککڑ بہا کروک چندی دکان تا جاچ ءِ ہلک و ککڑ نا نہادا، ہلوک و بہا کننگ نا ریکارڈ و صارف آتیان ہلنگوک نہاد آتا جاچ ءِ ہلک۔ چیکنگ ناوخت آ پاش مس کہ گڑاس دکاندار 455 روپئی فی کلو نا حساب اٹ ہلوک آ ککڑ ءِ الس ءِ 700 آن 720 روپئی فی کلو آ بہا کننگ ئسر، ہراڑا دمدستی کارروائی کننگا۔