کوہاٹ بمب دھماکہ غان است ہسون مسنے‘گورنر بلوچستان

کوئٹہ، گورنر بلوچستان جعفرخان مندوخیل کوہاٹ نا متکن آ پولیس لائن اٹی مروک بمب دھماکہ نا سوب آن شہید و ٹھپی مروک بندغ آتا زہمی مننگ آ ڈکھ و است ہسونی نا درشانی ءِ کرینے، تینا اسہ مذمتی بیان اٹی او پارے کہ دہشت آ تالان ذہنیت نا چٹفنگ المی مسنے، دا مسخت کن ننے قومی سیوت و امنائی نا درشانی ءِ کروئی تمک، اسیجائی کوشست آتیان نن دہشت گرد و تخریب کار آتا پراگندہ ارادہ غاتے بے سہب کننگ کینہ۔ گورنر مندوخیل کوہاٹ بمب دھماکہ ٹی شہید آتا بخشش و ٹھپی تا زوت دراخ جوڑی کن دعا کرے و زہمی خاہوت آتتون اوار ٹھپی تتون یکجہتی و ہمدردی نا درشانی ءِ ہم کرے۔