امریکہ نا کنڈ آن ایرانی ڈَل آ پوسکن ءُ رکھ خلنگار

واشنگٹن، امریکہ اقوام متحدہ نا جنرل اسمبلی اٹی بشخ ہلنگ کن بروک آ ایرانی ڈَل آ پوسکن آ سخت ءُ رکھ خلکنے‘ امریکی محکمہ خارجہ نا رِد اٹ ایرانی ڈَل ءِ نیویارک بننگ نا موکل تو تننگانے، ولے دا وار ڈَل انا کچ تدوک آ سال انا مون اٹی کم تخنگانے۔ ایرانی ڈَل انا باسک آتا ہن وبر کچ اٹ مریک‘ وخت اس کہ امریکہ ٹی لگژری و منہ ایلو گڑاتا ہلنگ آ ہم رکھ خلنگانے۔ امریکی وزیر خارجہ مارکو روبیو نا کنڈ آن ویزا و سفر نا شڑت آتیا سخت موقف مون آ بسنے۔ ایران و امریکہ نا نیام اٹی برجا چک و تاڑ نا رد اٹ ایرانی ڈَل انا اقوام متحدہ نا دیوان اٹی بشخ ہلنگ ءِ اہم ءُ سفارتی پیش رفت اس گوندنگ انگ ءِ۔