اے ڈی لوکل گورنمنٹ ڈھاڈر نا کنڈ ہلنگ آ ٹھیکیدار آتا گڑتی
Get real time updates directly on you device, subscribe now.
ڈھاڈر نا سیاسی و قبائلی سرکڑدہ حاجی ریاض احمد رند میڈیا نا نمائندہ غاتتون ہیت و گپ کرسا پارے کہ 20 جولائی آ محکمہ لوکل گورنمنٹ نا کنڈ آن ٹینڈر ملنگ نا تاریخ ئس و ٹھیکیدار آک تینا درخواست آتے اسسٹنٹ ڈائریکٹر لوکل گورنمنٹ تون جمع کرفوئی ئسر، ولے مست آنبار اے ڈی لوکل گورنمنٹ ٹینڈر ملنگ کن تینا آفس نا جاگہ غا پین ڈکوک علاقہ اسے ٹی تولسا است پسند بندغ آتے فائدہ رسیفنگ کن آفس آن غیب ءِ‘ او پارے کہ داکان مست دا وڑ و ڈول انا برخلاف عدالت آ ہنان و شرفمند عدالت و فاضل جج اسسٹنٹ ڈائریکٹر لوکل گورنمنٹ ءِ تینا آفس اٹی ٹینڈر ملنگ نا پرمان کریر ولے داکان پد ہم اے ڈی تینا کنڈ ہلنگ نا ردوریسہ ءِ برجا تخانے۔ او ڈپٹی کمشنر کچھی، سیکرٹری لوکل گورنمنٹ و جی آر سی آن خواست کرے کہ او اے ڈی لوکل گورنمنٹ ءِ آفس اٹی ٹینڈر ملنگ نا پرمان کرسا سفا و شفاف ٹینڈر کرفر تانکہ ٹھیکیدار آتیٹی تالان گڑتیک چٹنگ کیر۔ ڈھاڈر بولان (نامہ نگار سمیع اللہ جلبانی)