آرمی چیف ایران آ عسکری سرکڑدہ غاتتون مِلنگ کن ہناسس، پاکستان
آزاد کشمیر تون اوار مقبوضہ جموں و کشمیر ہچ گہس بھارت اٹ متنے، سائفر اودیم دستاویز اسے، ترجمان دفتر خارجہ
Get real time updates directly on you device, subscribe now.
اسلام آباد : ترجمان دفتر خارجہ پارینے کہ آرمی چیف جنرل عاصم منیر نا ایران نا دورہ نا مسخت ایرانی عسکری سرکڑدہ غاتتون اوڑدہی کننگ ئس‘ بھارت تغ خنسا کے آزاد کشمیر تون اوار مقبوضہ جموں و کشمیر وخت اس ہم بھارت نا بشخ متنو ونئے داکان پد مریرہ۔ سویڈش کمامدار آک سویڈن اٹ اسلاموفوبک و قرآن پاک نا پد ریسہ توہین نا واقعہ غاتے توننگ کن سخت گام گیج کے، سائفر اسہ اودیم ءُ دستاویز اسے‘ پاکستان نا آفیشل سیکرٹ ایکٹ کنے دا بارو اٹ تبصرہ کننگ آن تورک۔ دہشتگردی پاکستان کن بھاز سنجیدہ ءُ ویل اسے‘ اوغان عبوری حکومت نا ترجمان تا بیان و ہموڑے مروک اوڑدہی تا متن کن ہننگ اٹی ان۔ تینا ہفتہ وار بریفنگ اٹ ترجمان دفتر خارجہ ممتاز زہرا بلوچ پارے کہ یوکرین نا وزیرخارجہ پاکستان نا اولیکو دورہ ءِ کرے‘ واپاری‘ زرکاری تون اوار ایلو بشخ آتے کمک کننگ آ ہیت وگپ مس‘ وزیر خارجہ بلاول بھٹو زرداری بحر اسود نا جھیڑہ نا پرامن ایسری نا گرج آ زور شاغا‘ وزیر خارجہ یوکرین روس جھیڑہ ءِ ہیت وگپ اٹ ایسر کننگ نا گرج آ زور شاغا‘ آذربائیجان نا وزیر ٹرانسپورٹ و ڈیجیٹل ڈیویلپمنٹ پاکستان نا دورہ ءِ کرے‘ سیکرٹری خارجہ آسیان علاقائی فورم نا وزراتی دیوان اٹ بشخ ہلک‘ اہم ءُ اوڑدہی کرے‘ پاکستان نا نمائندہ خصوصی برا ئے اوغانستان آصف درانی اوغانستان نا اولیکودورہ ءِ کرے و اہم ءُ اوڑدہی کرے۔ آصف درانی نا اوغانستان نا دورہ نا وخت آ اسٹ ایلو گڑتی تا کل باندات آیا گپ وتران کننگا۔ امریکی صدر نا خصوصی کمکار بڑزکو کہولی ڈل اسے تون اوار پاکستان نادورہ غاٹے‘ او وزیر خارجہ بلاول بھٹو زرداری تون اوڑدہی کرے‘ او پارے کہ پاکستان، سویڈن اٹ اسلاموفوبک وقرآن پاک نا توہین نا پدریسہ واقعہ غاتا مذمت ءِ کیک‘ سویڈش کمامدار آک دا وڑ انا واقعہ غاتے توننگ کن سخت گام گیج کیر۔ترجمان پارے کہ اینو حریت راہشون شبیر احمد شاہ ءِ بھارتی بندی ٹی 6 سال پورو مسنے‘ اودے ضمیر نا بندی نا وڑ اٹ درست کننگک۔ ترجمان پارے کہ یونان کشتی شکست نا لاش تے اتسا ارا جہاز لاہور واسلام آباد آ بسنو۔ ترجمان پارے کہ دہشتگردی پاکستان کن بھاز اہم ءُ ویل اسے‘ دہشت گردی ناباندات آتے اوغانستان تون کیہی وار وچندی فورم تیا چست کننگانے۔ سہہ فریقی مذاکرات نا دستاویزآتے ٹی ہم اوغانستان باور کرفینے‘ اوغانستان پاکستان و چین ءِ کالعدم پڑک خاص وڑ اٹ ٹی ٹی پی ءِ تینا ڈغار ءِ کاریم اٹ اتپننگ نا باور کرفیسس‘ اوغان عبوری حکومت نا ترجمان تا بیان و ہموڑے مروک اوڑدہی تا متن کن ہُروک اُن‘نن اوغانستان تون دہشتگردی تون اوار کل امور تے چست کرینن‘پاکستان اوغانستان نا سالمیت نا احترام ءِ کیک۔
(آن لائن)