کورونا وائرس نا سوب آن جہانی زررگران کچ آن زیات زہمی مسنے، آئی ایم ایف

نیویارک( آن لا ئن) جہانی مالیاتی ادارے (آئی ایم ایف) پارینے کہ کورونا وائرس نا سوب آن اینخو جہانی زرگزران ءِ کچ آن زیات زہمی مسنے، ولدا ہم 2021 ٹی زرگزران ءِ جزوی بحالی نا گمان ارے، درملکی خبر رساں ادارہ نا رداٹ آئی ایم ایف نا مینجنگ ڈائریکٹر کرسٹیلینا جارجیوا تینا اسہ بیان اسے ٹی پارینے کہ کورونا وائرس نا سوب آن جہانی زرگزرانی کچ آن زیات زہمی مسنے، او زرگزرانی بے پامی مالو آمبار سلک۔ او پارینے کہ منہ بشخ آخبت اٹ چپ چوڑ مریرہ ولے ڈیجیٹل بشخ آتیٹی جوانی بریک۔ او پارینے کہ آخبت اٹ جہانی کمک و پالیسی ایکشن درکار ءِ، کاختی آ کنٹرول کننگ کن کیہی ملک آتے کمک نا گرج ءِ، اُلس ءِ روزگار تننگ و زرگزرانی کاختی کن پبلک ہیلتھ اولیکو کاریم مریک۔ مینجنگ ڈائریکٹر کرسٹیلینا جارجیوا پارینے کہ کاختی آن پیش تمنگ اسکان کمکارمالیاتی و مانیٹری پالیسی تا گرج مریک۔ ایم ڈی آئی ایم ایف نا دا ہم پاننگ ءِ کہ وخت آن مست کمک نا معطلی زرگزرانی بحالی ءِ توننگ کیک، دا وڑ نا حالیت آتیٹی نزور و کڑز دار آ ملک آتے کمک تننگے۔ تینا بیان اٹی او جی ٹوئنٹی ملک آتا قرض آتے منسوخ کننگ جوان ءُ عمل اسے، او پارینے کہ آئی ایم ایف کمک کن پین وسیلہ پٹنہ۔