بلوچستان حکومت کورونا ءِ توننگ کن عجب ءُ وڑ کننگ ءِ، ڈاکٹر مالک بلوچ

کوئٹہ (آن لائن) نیشنل پارٹی نابنجائی صدر ڈاکٹر عبدالمالک بلوچ پارینے کہ حکومت بلوچستان کورونا ءِ توننگ کن عجب ءُ وڑ کننگ اٹی ءِ‘وزیراعلیٰ ٹوئٹر الیکٹرونک میڈیا و سوشل میڈیا غا خنگک ولے عملی وڑ اٹ بلوچستان اٹ اونا ہچ درک اف‘ پاکستان نا سیاسی سرکڑدہ غاک جم وڑ اٹ سٹی آ ہیت آ تیا وخت ءِ زیان کننگ اٹی ءُ‘ بیدے ننا سیاسی سرکڑدہ غاک کورونا ءِ توننگ نابابت عقلمندہ ئی ءُ فیصلہ کروسر ولے اوفکبرآمدآتا و روزگار نا ہیت کننگ اٹی ءُ‘ مچ آدنیا نا ایئر پورٹ و سیمک بند ءُ تو پوریا ہراکان بریک‘ بنجائی و صوبائی حکومت الس تون دُرو کننگ اٹی ءُ و اصل راستکی تیان خن تے تَر کننگ اٹی ءُ‘ دَین نا مون آ اینو یورپ و امریکہ بیوس ءُ‘ سَدآ بندغ آک زوال مسنو‘ ہموفتیان سبخ ہلنگ نا گرج ءِ و تینا وسیلہ غاتے زیان کننگ نا جاگہ غا جوان وڑا ٹ حکمت عملی جوڑ کرسا کورونا نا مون ءِ توننگ نا گرج ءِ۔ دا خیال آتادرشانی ءِ او درملکی خبررساں ادارہ تون ہیت وگپ کرسا کرے۔ ڈاکٹر مالک بلوچ پارے کہ بلوچستان نا سیاسی سرکڑدہ غاک کورونا نا توننگ کن عجب ءُ وڑ کننگ اٹی ءُ۔ صوبائی حکومت ٹوئٹر، الیکٹرونک میڈیا و سوشل میڈیا غا خننگک ولے عملی وڑ اٹ بلوچستان اٹ اونا درک ہم اف۔ او پارے کہ کورونا نابابت پاکستان نا سیاسی سرکڑدہ غاک سٹی آہیت آتیا وخت ءِ زیان کننگ اٹی ءُ۔ او پارے کہ کورونا ءِ توننگ کن عقلندہ ئی فیصلہ کننگ نا جاگہ غا ننا سیاسی سرکڑدہ غاک برآمد آتا و روزگار نا ہیت ءِ کننگ اٹی ءُ‘ مچ آدنیا نا ایئرپورٹ وسیمک بند ءُ تو وپوریا و روزگار ہراڑے مریک؟ پاکستان اٹ حکمرانی کروک سیاسی سرکڑدہ غاک الس تون دُرو کننگ اٹی ءُ و اصل راستکی تیان خن تے ڈکنگ اٹی ءُ۔