کوروناوائرس نا جنگ اٹ چین پاکستان تون کمک کننگ ءِ‘گورنر بلوچستان
Get real time updates directly on you device, subscribe now.
کوئٹہ (اے پی پی) چائنیز حکومت نا کنڈآن گورنر بلوچستان امان اللہ خان یاسین زئی نا کمک اٹ کوروناوائرس نا رداٹ لاک ڈائون آن زہمی بندغ آتے تروک آ راشن آتے ڈپٹی کمشنر آتا کمک اٹ صوبہ نا ضلع مستونگ، پشین، قلات وہنہ اوڑک اٹ یانزدہ سد حقدار و نیزگار خاہوت آتے تننگانے۔ چینی قونصلیٹ کراچی نا کنڈآن تروک آ راشن پیکٹ آتے ٹی کنوئی آ گڑا و گرج انا گڑاک اوار ءُ۔ چین انا قونصلیٹ جنرل نا کنڈآن دا کمکی گڑاتے گورنر بلوچستان نا کمک اٹ صوبہ بلوچستان نا نیزگار مخلوق کن تروک آ راشن پیکٹ آتے لاک ڈاو ¿ن آن زہمی خاہوت آتے تننگا۔ کوروناوائرس نا جنگ اٹ چائنا نا حکومت پاکستان ءِ جان جوڑی نا بشخ انا المی گڑاتا فراوانی تون اوار اوار بلوچستان نا نیزگار الس کن راشن ہم فراوان کننگ ءِ۔ چائنیز حکومت نا دا خیر خواہی نا جوزہ غان صوبہ نا الس اٹ بھاز است بڈی دوئی مننگ ءِ۔