پشین: سی ٹی ایس پی شارٹ لسٹ اومیتدار آتے کاغد آتے اتنگ نا پارت

کوئٹہ (اے پی پی) ڈپٹی کمشنر پشین نا آفس آن جاری اسہ اعلامیہ سے نا رداٹ ضلع پشین نا غٹ شارٹ لسٹڈ(سی ٹی ایس پی) پاس اومیتدار آتے اطلاع کننگک کہ او ہفت دے انا تہٹی تینا اصل تعلیمی سند ، شناختی کارڈ ، لوکل سرٹیفکیٹ ، ڈسٹرکٹ ایجوکیشن آفسر نا مون آ پیش کیر، و اصل کاغد آتا نقل (پک کروک اِرا سیٹ) ڈسٹرکٹ ایجوکیشن آفیسر تون جمع کرفر۔ اعلامیہ نارداٹ اگہ اومیتدار اس اسٹ آن زیات آسامی تیا سرسہب مسنے تو او تینا کنڈآن اسہ اسٹام پیپر اس پک کروک ہم جمع کرفے کہ او ہرا آسامی آ تعیناتی نا آرڈر دوئی کننگ خواہک تانکہ دا بابت پین کارروائی کننگ مرے۔