آئی ایم ایف نا حکومت نا پٹرولیم سبسڈی آ گڑتی تا درشانی

حکومت کم کٹیا والا تے کن پٹرول آ سبسڈی نا بابت ہچ ءُ سلاہ اس کتنے، آئی ایم ایف نمائندہ

0

Get real time updates directly on you device, subscribe now.

اسلام آباد : جہانی مالیاتی ادارہ (آئی ایم ایف) حکومت پاکستان ناکنڈآن غریب الس کن تروک پٹرولیم سبسڈی ناپڑو آ گڑتی درشان کرے و پارے کہ بنجائی حکومت دا بابت جامع پروگرام ناسرجم آتے فراوان کے‘ میڈیا رپورٹ نا رد اٹ آئی ایم ایف نا نمائندہ ایسٹر پریز درملکی ادارہ ءِ انٹرویو نا وخت آ پارے کہ پاکستان حکومت الس ءِ تروک پٹرول آ سبسڈی ناپڑو نا بابت نن تون ہچ ءُ سلاہ اس کتنے‘ دا بابت ننا گڑتیک اریر‘ اوپارے کہ آئی ایم ایف ناکنڈآن حکومت پاکستان آن پٹرولیم اسکیم و اونا کاریم کننگ نا وڑ وڈول آ سرجم آتے بٹنگانے‘ اوپارے کہ ننے جامع پروگرام نا سرجم آتے ہُروئی ءِ و حکومت پاکستان ءِ کل سرجم آتے فراوان کروئی مریک‘ اوپارے کہ حکومت کم کٹیا کروک آتیکن پٹرول آ سبسڈی نا بابت ہچ ءُ سلاہ اس کتنے‘ موٹرسائیکل وگاڈی والا تابابت اسکیم آ جہانی مالیاتی فنڈ اتون ہچ ءُ سلاہ یا رابطہ اس کننگتنے۔ ایسٹر پریز پارے کہ آئی ایم ایف اسٹاف دا بابت جامع سرجم آتے خواہک ہراٹی دا اسکیم نا ٹرمز اینڈ کنڈیشن، خڑچ، ٹارگٹنگ، اسکیم نا غلط کاریم اٹ اتنگ و ایلو گام گیج آتا بابت حکومت تون بھاز احتیاط اٹ ہیت وگپ کننگک۔

(آن لائن)

Get real time updates directly on you device, subscribe now.

Leave A Reply

Your email address will not be published.