محتسب نا ادارہ دمدستی انصاف کن کاریم کننگ اٹی ءِ، ہاشم ندیم

کوئٹہ : سیکرٹری صوبائی محتسب بلوچستان محمد ہاشم ندیم پارینے کہ محتسب ادارہ اُلس ءِ مفت و زو انصاف تننگ کن بھلو وخت اسے آن لگوک ءُ۔ وخت اس کہ محتسب ادارہ نا اہمیت و افادیت ءِ اُلسی کہول آ پین پاش کننگ کن ننے کوشست آتے ترند کروئی تمک۔ و دا بابت اٹ تشہیری مہم اٹ ٹی وی، ریڈیو پروگرام، اخباری بیان و سوشل میڈیا آ محتسب ادارہ نا کارکڑد نا بابت اٹ شعور پاش کننگ انگ ءِ۔ تانکہ لس اُلس ءِ محتسب عدالت نا بارواٹ زیات معلومداری فراوان مرے۔ دا خیال آتا درشانی ءِ او تدوک آ دے محتسب ادارے نا 22 میکو سال دے نا وخت آ اڈ ہلوک سیمینار آن تران کرسا کرے۔ او وخت آ سیمینار کیشرکاء اٹ مسکوہی اسپیکر بلوچستان اسمبلی مس راحیلہ حمید درانی، ڈائریکٹر محتسب سیکرٹریٹ سید منور شاہ ہاشمی، عبدالمنان اچکزئی، مصطفیٰ جان کاکڑ، ملک ظہور احمد کاسی، آئی جی جیل خانہ جات شجاع الدین کاسی، ایڈیشنل سیکرٹری داخلہ انعام الحق، ڈائریکٹر آر پی محکمہ داخلہ سید حبیب الرحمٰن غرشین، ریجنل ڈائریکٹر وفاقی محتسب بلوچستان غلام سرور براہوئی، ایڈیشنل ڈائریکٹر ایف آئی اے محمد طارق خان، ڈپٹی سیکرٹری جوڈیشل اسکول محکمہ تعلیم ہارون راشد، رجسٹرار محتسب سیکرٹریٹ سید محمد علی، ایڈمنسٹریٹو آفیسر محتسب سیکرٹریٹ منیر احمد بزنجو، نیشنل کمیشن ہیومن رائٹس بلوچستان نا باسک پروفیسر فرخندہ اورنگزیب، سوشل ایکٹوسٹ میر بہرام لہڑی، آئی ایل او نا پرواینشل کوآرڈینیٹر صالحہ نواز آن بیدس محتسب ادارہ نا افسر و ایلوفک اوار ئسر۔ سیمینار آن تران اٹ محمد ہاشم ندیم پارینے کہ جوڈیشل ایکٹیوازم نا دور اٹ صوبائی محتسب نا ادارہ آن اُلس نا گمان تا گنڈوک مننگ کہ اوفتے وخت آ انصاف نا فراوانی دوئی مرے۔ محتسب ادارہ نا جوان کارکڑد نا نشانی ءِ۔