شار انا شونداری کن اسیجائی اٹ کاریم کروئی تمک، صفدر عمرانی

ڈیرہ مراد جمالی : چیئرمین میونسپل کمیٹی ڈیرہ مراد جمالی میر صفدر خان عمرانی پارینے کہ شار انا جوڑی و اُلس نا بنداوی ویل آتا ایسری کن ننے کل ءِ اواری ٹی کاریم کروئی مریک۔ آبنوشی گلی محلہ غاتا سفائی تیکن کل درکار آ وسیلہ غاتیان کاریم ہلنگک۔ ننا کوشست مریک کہ نن اپوزیشن کونسلر آتون ملسا اوار کان نن خوانک کہ ننا نیام نا حکمران یا اپوزیشن نا کڑد ءِ نن کل اسہ پیج آ سلوک اُن۔ ان شاء اللہ آخبت اٹ اپوزیشن کونسلر آتا سلاہ غاتیان شونداری نا سفر ءِ برجا تخک۔ دا خیال آتا درشانی ءِ او میونسپل کمیٹی نا ستائی دیوان نا تران کرسا کرے۔ دیوان وائس چیئرمین میونسپل کمیٹی شاہ محمد ہاڑا، مسکوہی چیئرمین میونسپل کمیٹی میر غلام نبی عمرانی، کونسلران پروفیسر محمد ابرہیم ابڑو، محمد عثمان ادبی، داسو مل، ہرپال داس، خلیل احمد قریشی، سردار عبدالرزاق گرانی، حاجی رحمت اللہ بنگلزئی، عرض محمد ڈومکی، سیاسی و قبائلی راہشونک دین محمد لہڑی، حاجی اللہ بخش منگی، سیدحیدر شاہ، تارا چند،چیف آفیسر میونسپل کمیٹی حاجی خان جونیجو تون اوار ایلو دود اٹ بشخ ہلک۔ او وخت آ کل کونسلر سیاسی و قبائلی راہشونک چیئرمین میونسپل کمیٹی میر صفدر خان عمرانی، وائس چیئرمین میونسپل کمیٹی شاہ محمد ہاڑا ءِ اونا سیٹ آتیا تولفے۔ چئیرمن میونسپل کمیٹی میر صفدر خان عمرانی پارینے کہ دا شار ننا کل ءِ ننے شار انا جوڑی و شونداری و دوئی ویل آتا پوروی کن عملی وڑاٹ جہد کروئی مریک۔ صوبائی حکومت نا کنڈآن علاقہ نا مفاد اٹ ہرا گام گیج کننگ انگ ءِ۔ اوفتے سہی معنہ غاتسکان سر کننگ کن ننیکل ءِ تینا کڑد ءِ ادا کروئی مریک۔ ہرا علاقہ غاتیٹی اُلس ءِ ویل آک دوئی ءُ۔ اوفتے پاش کننگے تانکہ کچ اٹ انگا وسیلہ رہنگ انگ پد اُلس نا مفاد اٹ جوان گام گیج کننگے۔