وزارت حوالکاری وشینکاری/افغان ڈغار آن پاکستان اٹی دہشت گرد جلہو تیا گڑتی نا درشانی

پاکستان نا وتواجہی و شاری تا رکھ آ ہچ ءُ سودا بازی اس مفک، دہشت گردی نا خطرہ غاتا برخلاف کل المی گام گیج آتے کننگک، بیان
اسلام آباد، وزارت حوالکاری وشینکاری کوہاٹ اٹی جمعہ نا نماز خوانوک شاری و پولیس کارندہ تے شست کروک دہشت گرد جلہو نا سخت انگا لوز آتے ٹی مذمت ءِ کرسا پارینے کہ دہشت گردی نا نئے دین اس ارے و نئے دانا ہچ ءُ تک اس۔ وزارتِ حوالکاری دُوبہ خلک کہ جلہو اوغانستان آن تعلقدارخوارج آتا کنڈ آن کننگا و پارے کہ دا وڑا نا گام ہرفوک، اوفتا کمکار و اوفتے باہوٹ کروک آک انسانیت نا دُشمن ءُ۔ وزارتِ حوالکاری وشینکاری نا کنڈ آن جاری مروک بیان اٹی پاننگانے کہ پاکستان کیہی وار اوغانستان نا ڈغار ءِ پاکستان اٹ دہشت گرد جلہو و اوفتا ڈٹ بندی کن کاریم اٹ اتنگ آ گڑتی نا درشانی ءِ کرینے، بیان نا رِد اٹ اوغانستان اٹی دہشت گرد آتا پاننگوک ہند آتتون اوار اوفتا بھرتی و کمک نا پنجر نا ساڑی مننگ پاکستان نا سلامتی کن دراست گڑتی اسے۔