قلاٹ اٹی چار دے ئی پولیو مہم نا باقاعدہ بنا
ڈپٹی کمشنر قلاٹ انجینئر عائشہ زہری چناتے پڑی کنفسا چار دے ئی پولیو مہم نا باقاعدہ بناءِ کرے
Get real time updates directly on you device, subscribe now.
قلاٹ / بلوچستان نا تاریخی شار قلاٹ اٹی چار دے ئی پولیو مہم نا باقاعدہ بناءِ کننگا۔ ڈپٹی کمشنر قلاٹ انجینئر عائشہ زہری چناتے پولیو نا پڑی کنفسا آن بچفنگ نا پڑی کنفسا چار دے ئی پولیو مہم نا باقاعدہ بناءِ کرے۔ دا وخت آ ڈپٹی ڈسٹرکٹ ہیلتھ آفیسر ڈاکٹر محمد اقبال نورزئی، پولیو فوکل پرسن وحید بلوچ، عبدالفتاح دہوار، ٹی ایس اے ڈبلیو ایچ او قلاٹ عمیر احمد، ٹکری عبدالمالک و پی پی ایچ آئی نا اسسٹنٹ غلام فاروق ہم چناتے پولیو آن بچفنگ نا پڑی کنفیر و فنگر مارکنگ کریر۔ ڈپٹی ڈسٹرکٹ ہیلتھ آفیسر ڈاکٹر محمد اقبال نورزئی ڈپٹی کمشنر قلاٹ ءِ چار دے ئی پولیو مہم نا بابت بریفنگ ترسا پارے کہ پولیو مہم 21 ستمبر 2026ء آن بنا 24 ستمبر 2026ء اسکان برجا سلک۔